Anelamento
O anelamento científico de aves é unha técnica que consiste na colocación de unha anela na pata dunha ave viva. Esta anela leva impreso un código que permite identificar tanto á ave que a porta como á súa área de anelamento e a institución encargada da súa colocación. Gracias a elo, é posible estudar varios aspectos da bioloxía das aves aneladas e das poboacións ás que pertence, a partir da información aportada por calquera persoa que puidese observar a un individuo con anela. Entre os aspectos a estudar, pódense citar os movementos migratorios, a lonxevidade, as tasas de mortalidade e supervivencia, a evolución das poboacións, etc. Todo elo permite contribuir á súa conservación.
As illas
O arquipélago de San Pedro sitúase na Coruña, fronte ao porto de O Portiño, e está composto de 4 illas e varios illotes. No seu conxunto están separadas do continente por unha canle de entre 200 e 350 metros de anchura e preto dun quilómetro de longo. A súa superficie total é de 7 hectáreas e o seu relevo é bastante plano. Albergan unha interesante biodiversidade, na que destaca a súa colonia reprodutora de gaivotas patiamarelas (Larus michahellis).
Nós
O Grupo Naturalista Hábitat é unha entidade sen ánimo de lucro e politicamente independente, fundada en 1979 baixo a consigna básica de traballar polo estudo e a conservación dos espazos naturais e da biodiversidade de Galicia, desde un enfoque naturalista e baixo criterios científicos. Entre estes traballos de conservación e divulgación, os Grupos de Anelamento Hércules e Phylloscopus, integrados en Hábitat, levaron a cabo o anelamento dos polos de gaivota patiamarela nacidos na colonia das illas de San Pedro, con anelas de PVC de cor verde e código alfanumérico branco que comeza coas letras "ZR".
Anelamento nas illas de San Pedro 
